Roeser

10.09-30.09 : Tour du Duerf
Enregistrez-vous et participez!
tourduduerf.lu

08:45 Auer ab Gare Bierchem (a Richtung Stad)
En Tour mam ëffentlechen Transport quer duerch d’Land
Den Tour geet vu Bierchem an d’Stad. Hei maache mir en 1. Tëschestopp bei enger gudder Taass Kaffi. Duerno geet et weider mat Bus an Zuch bis op Veianen, wou mir e gudde Maufel an déi schéi Vue op d’Our genéissen. De Retour ass am spéide Mëtteg zu Bierchem.

10:00 Auer zu Bierchem am Club50+ Eist Heem
Qi Gong mam Volker Bänsch

10:00-16:00 Auer zu Beetebuerg op der Kierchplaz
Vëlooccasiounsmaart / Expo a Verkaf vu second-hand Vëloen
D’Aschreiwung ass obligatoresch bis Freides, de 16. September um 12:00 Auer bei VëLokal per Telefon um 691 464 645 oder iwwert de Site: https://www.bikeandride.lu/bettembourg-event Dir kënnt eis Äre Vëlo ab 10:00 Auer op der Kierchplaz laanscht bréngen an e bis spéitstens 16:30 Auer siche komme wann en net verkaf ginn ass.

14:00-16:30 Auer zu Beetebuerg op der Kierchplaz
Repair Café
Wat maache mat: Engem CD-Player, wou den Tirang klemmt, engem Toaster, deen net méi geet oder mat engem Pullover, dee Lächer huet? Am Repair Café kënnen all dës Boboën zesumme mat engem fräiwëllege Fléckert gekuckt, analyséiert a meeschtens och gefléckt ginn. De Repair Café ass gratis, kann awer gären mat engem klenge Geste an d’Kaffiskeess ënnerstëtzt ginn.
Fir weider Informatiounen: ecologie@bettembourg.lu / ecologie@roeser.lu / www.repaircafe.lu

19:30 Auer zu Beetebuerg am Festsall vun der Gemeng
Konferenz mam David Everard
Laang Joeren huet den David Everard zu Lëtzebuerg d’Mobilitéitswoch koordinéiert a wees also vu wat hie schwätzt. Op seng eegen, sachlech, kuerzweileg an humoristesch Aart a Weis, deelt den David Everard deen Owend seng Gedanken zum Thema vun der Mobilitéiswoch mat eis. No der Konferenz offréiert d’Gemeng Beetebuerg e Patt.

09:15 Auer ab Kirchberg “Luxexpo Quai 3” (Bus 321) oder
09:45 Auer ab “Routscheed” bei der Schwämm
Footing: Nidderaanwen
Vun der Schwämm vun Nidderanven aus geet et op e mëttelschwéieren Tour vun 8 km. An der Mëttesstonn geet et zesummen iesse fir den Tour ofzeschléissen. De Retour an de Réiserbann ass nom Mëttegiessen.

09:15 Auer op der Gare zu Bierchem
Vëlostour: Waasserbëlleg – Saarburg (+/- 50 km)
Haut geet et mam Vëlo vu Waasserbëlleg aus op Saarburg an erëm zeréck. De ganzen Tour huet +/- 50 Kilometer. Zu Saarburg maache mer eng kleng Paus a stäerken eis bei engem klénge Mauffel.

09:30 Auer op der Gare zu Bettembourg
Trëppeltour a Schmaachmaart
Vun der Gare zu Beetebuerg geet et zu Fouss op Peppeng an de Klouschtergaart. Ënnerwee kréie mir eng Visitt am Gemeinschaftsgaart zu Beetebuerg an um Enn vum Tour kënnen am Klouschtergaart lokal a regional Produkter geschmaacht ginn. De Wee ass net all ze schwéier, mä well en iwwert Bëschweeër geet, sinn Offroad-Poussette mat e bësse méi grousse Rieder vu Virdeel.

11:00-16:00 Auer zu Peppeng am Klouschtergaart
Schmaachmaart
Am Klouschtergaart stelle Produzenten aus der Gemeng an aus der Regioun hir Produkter fir. Mir lueden iech an no Häerzensloscht ze kucken, ze schmaachen an ze riche wat et fir gutt Saache ginn. Vun Uebst a Geméis iwwert Fleesch bis zu Wäin a Béier kann deen Dag geschmaacht ginn.

Parcours en transports publics à travers le pays

Promenade à Schengen

Randonnée à vélo à travers la commune

Randonnée thématique sur les herbes sauvages

Randonnée en collaboration avec la commune de Bettembourg

Workshop "Besser virukommen am Réiserbann"

Distributions de croissants et pommes au voyageurs en bus et train

Promenade à pied en collaboration avec la commune de Bettembourg

Eisen autofräien Dag ass de 24. September zu Réiser virun der Gemeng

Notre journée sans voiture aura lieu le 24 septembre devant la maison communal de Roeser. 

Am Kader vun der Aktioun Tour du Duerf invitéiert de Schäfferot vun der Gemeng Réiser an Zesummenaarbecht mat de Kommissioune fir Ëmwelt a Verkéier e Samsdeg, den 25. September 2016 op en Tour mam Vëlo (ongeféier 25 Kilometer). Nom Motto "vun der Beetebuerger Schwämm op Hesper op d'Post" wëlle mir dëst Joer emol kucken, wéi gutt d'Verbindungen tëscht dem Réiserbann a sengen Nopeschgemenge si mam Vëlo.

Deen Dag gëtt awer och en Trëppeltour (9 Kilometer) durech d'Dierfer vum Réiserbann proposéiert

Bei deenen 2 Tier geet et drëm ze kucke wéi gutt eis Weeër fir déi verschidde Benotzer sinn.

Rendez-Vous ass um 9.00 Auer zu Réiser beim Gemengenatelier.

D'Gemeng offréiert virum Depart e Fair Breakfast mat fair gehandelte Produkter. Fir dat genuch do ass fir z'iessen, mellt Iech w.e.g. op ecologie@roeser.lu un.

Participation Tour du Duerf

Randonnée ensemble avec le collège échevinal en vélo pour mieux les connexions entre les différentes communes avoisinantes. Une randonnée à pied dans la commune sera également organisé pour montrer les différents chemins piétons. R-d-v à 09h00 devant les ateliers communals.  La commune organisera également un petit déjeuner fairetrade.